پیادەکردنی سیستەمی فیدڕاڵی لە هەر وڵاتێک پێویستی بە فەزای دیموکراسی و تێگەیشتنە لە پرەنسیپ و رۆحی دیموکراسی و هەوڵدانی جددیە بۆ پیادەکردنی.
دیموکراسی و بنەماکانی، لەپاڵ مەفاهیمە فەلسەفی و باوەکانی پەیوەست بەم سیستەمانە لەوەتەی لە گۆشەوکەناری جیهاندا پیادە دەکرێن، توانیویانە خزمەت بە سەقامگیری سیاسی و ئاشتەوایی و گەشەو پێشکەوتنی کۆمەڵگاکانەوە بکەن و زامنی ئەمنیەت و ئاسایش و پێشکەوتن بن.
عێراقی دوای سەدام و بەعس لەهەموو وڵاتێک زیاتر پێویستی بە پیادەکردن و پێرەوکردنی دیموکراسی و فیدڕاڵی ڕاستەقینە بووەو هەیە.
دامودەزگا فیدڕاڵیەکان لە وڵاتانی دیموکراسی و بە تایبەت ئەوانەی لە قۆناغی ئینتیقالیدان ( قۆناغی گواستنەوە)، پێویستیەکی حەتمین نەک شکڵی.
ئەرک و بەرپرسیارەتی ئەم دامودەزگایانە، بە سیستەمی دادوەری و دادگاکانیشەوە، پاراستنی هاوسەنگی و سەقامگیری و خستنە رووی رێگە چارە و کردنەوەی گرێ کوێرەکان و دڵنیاییە نەک دروست کردنی گرژی و ئاڵۆزی و نائومێدی
وەڵام بدەوه