ئەو چوارسەت ملیاردەی بەغدا جار ناجارێک لوتفی دەکرد و بە مەزاج وەک بەشێکی بچووک لە شایستەداراییەکانی هەرێم رەوانەی کوردستانی دەکرد، بۆتە بارمتە بە دەست هێزو سەرکردە میلیشیاکانی بەغداوە.
دەیان کۆبوونەوە کران و دەکرێن، دەیان جار وەفدی جۆراوجۆری هەرێم لە ئاستی جیاجیادا سەردانی بەغدایان کرد بۆ پیشاندانی نیەت پاکی و رێککەوتن، تەنانەت سەرۆکی حکومەتی هەرێمیش رێی بەغدای گرتە بەرو لەگەڵ حکومەت کۆبووەوە، کەچی وەک تێبینی دەکرێ هێزە بەکرێگیراوە میلیشیاکان دەسەڵاتیان لە حکومەت و پەرلەمانی بەغدا زیاترە.
هێزە میلیشیاکانی سەربە وڵاتانی ئیقلیمی بەسەر هیچ دەرفەتێک باز نادەن بۆ شکست پێ هێنانی دیدارو چاوپێکەوتن و رێککەوتنەکان و سڵ لە هیچ کارێکی ناشایست دژبە هەرێمی کوردستان ناکەنەوە.
ئامانجی سەرەکی ئەم هێزانە بچووک کردنەو یا لە خراپترین حاڵەتیدا هەڵوەشانەوەو لەبار بردنی قەوارەی هەرێمی کوردستان و چۆک دادانە بە حکومەتی هەرێم.
وەڵام بدەوه