دوای ڕاپەڕینی 1991 گەشەی دیموکراسی و ئازادی چاپ و بڵاوکردنەوەو دامەزراندنی کەناڵ و پێگە ئەلەکترۆنیەکان دەرفەتێکی گەورەی لەبەردەم کورد بە جیهانی دەرەوە کردەوەو هەلومەرجێکی نوێی هێنایە کایەوە.
دەیان پەیج و ماڵپەر و پێگەی مەجازی بە زمانە زیندووەکانی دونیا لە دایک بوون و پانتای راگەیاندن و گەیاندن لە جاران بەرفراوانتر دەرکەوت و گشت سنوورو بەربەستەکانی بەزاند.
لێ مخابن بە هۆی ئەو کێ بەرکێ تووندەی لەم رووبەرە وەک دەرەنجامی ململانێی مێدیایی بۆ کۆکردنەوری زۆرترین خوێنەر و بیسەرو داگیرکردنی زۆرترین فەزای مێدیاییەوە سەری هەڵدا، دۆخێکی ناخۆش و ئاڵۆز و تەواو سیاسی و هەستیار هاتۆتە ئاراوە.
ئەم دۆخە بەوە دەناسرێتەوە، مێدیای کوردی لە جیاتی گرینگیدان بە ناوەرۆک و مەغزاو پەیامە مێدیایە رۆحی و مەعریفیە بونیادنەرەکانەوە، لایەنی زۆری و بۆریە کرچ و کاڵەکەی زیاتر بەلاوە گرینگە و بایەخ بە ناوەرۆک نادات و زیاتر بەدوای لاسایی کردنەوەو دووبارەکردنەوەو ( یەکجۆر) کردنی مێدیایە تا ستراتیژی ( هەمەجۆر کردن) ی و هێنانە کایەی مێدیایەکی کوردی تایبەت بە جڤاکی کوردی و ئاڵنگاریە فەرهەنگیە دەرەکی و ناوەخۆیەکانەوە.
وەڵام بدەوه