کلکایەتی، پەڵەیەکی پڕ لە شەرمەزاریە
هەرگیز نابێت ئەمجارە گەلی کوردستان لەوانە ببورێ، کلکایەتی بۆ نەیارانی کوردەوە دەکەن و بوونەتە بەڵا و پەڵەی شەرمەزاری بۆ ئاسایشی نەتەوەونیشتیمانەوە.
لەو رۆژەی بەعس رووخاو هەرێمی کوردستان ئاڕاستەیەکی دروستی ئامانجداری گەشەو پێشکەوتنی گرتە بەر، چەندین پرۆژە و لایەنی بە ناو سیاسی بەرهەڵستکار کەوتنە دژایەتی هەرێم و کلکایەتی لایەنە نەیارو دەرەکی و هێزە دژەکانی هەرێمی کوردستانیان هەڵبژارد.
سەنگەر گرتن لە هەرێم و شکۆی نیشتیمان لە ژێر ناو و دەمامکی بەرهەڵستکاری یا ئۆپۆزیسیۆن بە درێژایی بیست ساڵی رابردوو، بوو بە پەتاو بەڵایەکی سیاسی بۆ کۆمەڵگای کوردی.
هاڕینی دۆخی کۆمەڵگاو دروست کردنی نائومێدی و لەباربردنی هیواو ئومێد بە ئاییندە، لەو دەرەنجامە خراپانەی هەوڵی نەیارو کلکایەتی کردنی کەسانێکە، خۆیان بە دڵسۆزی نیشتیمان و هاوخەمی خەم و ئازارەکانی کۆنەڵگاوە وێنا دەکەن.
چارەسەر کردنی هەر کێشەو گرفتێکی ئابوری، سیاسی و تەنانەت سەربازیش، پشوودرێژی گەرەکە. نەک فووکردنە ئاگری پشێوی و دروست کردنی گرژی و ئاڵحزی و رووخاندنی ورە وسایکۆلۆژیای کۆمەڵگا.
وەڵام بدەوه