فرەکوێخایی و نەمانی سیادەو هێزە میلیشیاکان
ئەو فرە کوێخاییەی لە گۆڕەپانی سیاسی عێراقیدا لەم رۆژگارە دەبینرێت، لەهیچ سەردەم و قۆناغێکدا نەبینراوە.
عێراق بە رووکەش وڵاتێکی خاوەن سیادە و شکۆو سیستەمێکی دیموکراسیە. بەڵام لە ناواخندا گیرۆدەی دەستی دەیان گرووپی میلیشیایی و سیاسیە بەکرێ گیراوەکانی ئەملاو ئەولایە.
بەڵای ئەم فرە کوێخایی و فرە جەمسەریە لە ژیانی رۆژانەی عێراقیەکاندا زۆر بە زەقی رەنگی داوەتەوە. دوای بیست ساڵ لە رووخانی بەعس، ئەم وڵاتە سەرباری داهاتێکی زۆرو سەروەت و سامانێکی بێ شومار، هێشتا رووی ئاسودەیی و خۆشگوزەرانی تەواوی نەبینیوەو هەر رۆژەو بە دەست کێشەیەکەوە گیر دەخوات و دەستی دەرەکی دەستی ناوەتە بینە قاقای ئەم وڵاتەوە.
کە پاڵ ئەم فرە کوێخاییەشدا، چەندین گرووپ و هێزی میلیشیایی لە دەرەوەی یاساو دەستوور حوکم بە رووداوو پێشهات و دۆخی سیاسیەوە دەکەن. ئەم هێزانە لە پەراوێزێکی بچوکدا هەوڵ ئەدەن گەورەترین فشارو هەژمون بەسەر کایەی سیاسیدا بکەن و ئاڕاستەی پرۆسەی سیاسی بە قازانج و لە بەرژەوەندی خۆیاندا بگۆڕن.
وەڵام بدەوه