سەرەتایەکی نوێ
ئامادەیی دۆخی لەرزۆکی سیاسی عێراق و ئەو دابەشکاریەی لە گۆڕەپانی سیاسەت لە بەغدا هەستی پێ دەکرێ مایەی نیگەرانی هەموو عێراقیەکان بە گشتی و هەرێمی کوردستانە بەتایبەتی.
لەپاڵ ئەمەشدا واقعێکی سێبەر لە بەغدا توانیویەتی ئامادەیی هەبێ و هێزەمیلیشیاکان لە تۆخ کردنەوەی ئەم واقعەو دیاریکردنی ئاڕاستەی سیاسەت لە بەغدا خاوەنی نفوزو دەسەڵات و کاریگەری یەجگار زۆرن.
ئەم کاریگەریەنەک هەر بە هەڕەشەو مەترسی بۆ سەر کۆی سیستەمی حوکومڕانی و دیموکراسی و دەستوور لەقەڵەم دەدرێ، بەڵکو مەترسیشە بۆ سەر کۆی سیستەمی فیدڕاڵی و مانەوەی قەوارەی دەستووری هەرێم لە دورر مەودادا.
ئومێد دەکرێ سەرەتای چارەسەرکردنی ناکۆکیەکانی نێوان هەولێرو بەغدا، گوڕوتینێکی بەهێزتر بە پرۆسەی سیاسی و دیموکراسی و چارەسەرکردنی سەرجەم ناکۆکیەکانی نێوان بەغداوهەولێر ببەخشێ و ئاسۆیەکی روناکتر بخاتە بەردەم دۆخی سیاسی لە سەرتاسەری عێراق و هیوابەخش بێ بۆ ئاییندەیەکی باشتر و ئاسودەترەوە.
وەڵام بدەوه