ئەو حزبێن ئەڤرۆ ئاستەنگان بۆ هەلبژارتنان دروستدکەن هەر ئەو حزبن یێن دوهی ئەنجامێن هەلبژارتنان قەبیلنەکرین).
ژێدەرێ ب دیموکراسیکرنێ ل هەرێما کوردستانێ، ئیلهاما خۆ ژپەیامێن جەنابێ “سەرۆک بارزانی” وەردگریت هەر چەند دگۆتارێن خۆ یێن بەری نوکەدا مە گوتیە دیموکراسی سیستەمێ ژیانێ یە لێ جەنابێ وان هەر پشتی سەرهلدانا بوهارا سالا ١٩٩١ێ ب روانگەیەکا زۆرا واقعیانە ل کویێ داخازا هەلبژارتنان ل کوردستانێ کر. کو بوونە بناغەیێ دامەزراندنا هەرێما کوردستانێ ول ١٩ی گۆلانا سالا ١٩٩٢ێ ئێکەمین هەلبژارتن بۆ جڤاتا نشتیمانیا کوردستانێ و رابەرێ بزاڤا رزگاریخوازا گەلێ کورد هاتنە ئەنجامدان.
(مخابن ئەو حزبێن ئەڤرۆ ئاستەنگان بۆ هەلبژارتنان دروستدکەن هەر ئەو حزبن یێن دوهی ئەنجامێن هەلبژارتنان قەبیلنەکرین).
جەنابێ “سەرۆک بارزانی” بەردەوام دسیستەمێ حزبی و هەروەسا درێڤەبرنا هەرێما کوردستانێ ژی دگەل هەلبژارتنان بوویە وەکو فکرەیەکا راستەقینە بۆ حکمرانیێ دکاودانێن سەختێن پشتی شەرێ نافخۆ جەنابێ وان دگەل هەلبژارتنان بوو ل ٢٦ی گۆلانا ٢٠٠١ێ هەلبژارتنێن جڤاتێن باژێرڤانیان هاتنە ئەنجامدان.
عیراقا پشتی رژێما بەعس ل سەر ئەساسێ دیموکراسیەتێ بۆ عیراقیان و هەرێما کوردستانێ قەبیلکر ژبلی رۆلێ کارا و بەرچاڤێ سەرۆک بارزانی دقۆناغێن ئازادیا عیراقێ و حکمرانیا بەروەختا عیراقێ دگەل نڤیسینا دەستوری بوو. هەتا دوماهی قۆناغ و هەر ئەو دەستورەیە یێ ئەڤرۆ بوویە بناغە بۆ مافێن خەلکێ هەرێما کوردستانێ بهێنە پاراستن سەرەرای ئەو تەحەدیاتێن دهێنە پێش.
“سەروک بارزانی“ کار بۆ پەسەندکرنا دەستورەکی هەمیشەیی ب پاراستنا مافێن گەلێ کوردستانێ ب هەمی پێکهاتەیان ڤەکر، هەر زوی پێداگیری ل هەلبژارتنێن جڤاتا نوینەرێن عیراقێ کر و ل سالا ٢٠٠٥ ئێکەم هەلبژارتن هاتنە ئەنجامدان.
دبەردەوامیا هەلویستێن نەگوهرێن سەرۆک بارزانی لدۆر قۆلکرنا پرسێن دیموکراسیێ ل خۆلا دووێ یا سەروکاتیا هەرێما کوردستانێ دناڤا پەرلەمانێ کوردستانێدا داخوازکر سەرۆکێ هەرێمێ پێدڤیە دناڤا خەلکیدا بهێتە هەلبژارتن و ل ٢٥ی تیرمەها ٢٠٠٩ێ دگەرا دووێ یا سەروکاتیا هەرێمێدا جەنابێ وان راستەوخۆ دناڤا خەلکێ کوردستانێدا هاتە هەلبژارتن، ل بیرا مەیە ل سالا ٢٠١٥ێ حزبێن کوردستانی بۆ بەرتەسەکرنا رەئیا خەلکی و چارچووڤەکرنا دیموکراسیێ بۆ بەرژەوەندیێن خۆ چ هەرایەک دروستکر و دڤیا پرسا نشتیمانی یا ریفراندومێ ب داخوازیا سەرۆک بارزانی پاشبێخن و سیستەمێ سەروکاتیێ بکەنە پەرلەمانی لێ سۆپاس بۆ خودێ و دلسوزێن گەلێ کوردستانێ ب بریارا “سەروک بارزانی” و ب ئیرادا گەلێ مە ل ٢٥ی ئەیلۆلا ٢٠١٧ ریفراندۆما سەربەخوییا کوردستانێ هاتە ئەنجامدان و بێگۆمان خۆشترین رۆژێن ژیانا هەر کوردستانیەکێنە.
ل پشتی ریفراندوما سەربەخوییا هەرێما کوردستانێ پێداگیریا سەرۆک بارزانی بۆ جیهگیرکرنا دیموکراسیێ بابەتەکێ کێم وێنەیە و ئەڤە ژ ریفراندومێ وەرە سەرەرای ئەو قەیرانا جیهانی یا ب سەر هەرێما کوردستانێدا دروستکری چار گەرێن هەلبژاتنان ژ هەلبژارتنا خۆلا پێنجی یا پەرلەمانێ کوردستانێ، دوو گەرێن پەرلەمانێ عیراقێ و گەرەکا هەلبژارتنێن جڤاتا نوینەرێن عیراقێ ل کو پارێزگەهێن نەینەوا و کەرکووک هاتینە ئەنجامدان هاتنەکرن. بێگۆمان درەوشێن هوسادا سەرکردایەتیەکا حەکیمانە یا وەکی سەروک بارزانی نەبیت کێم وەلاتن دشێن هوسا دیموکراسیێ بەردەوام کەن.
دقۆناغا نوکە یا هەرێمێدا سەرەرای سەروکاتیا هەرێما کوردستانێ پێنچ مەرسومێن سەروکاتیێ دەرکرینە و ژپێخەمەت بەرژەوەندیا هەرێما کوردستانێ پارتی ب سەروکاتیا سەروک بارزانی پێداگیرکریەو سەبرەکا زۆر کێشایە دا رێرەوا دیموکراسیێ جهێ خۆبگریت و ئەڤە ژی چەندین جاران دوپاتکریە بۆ نموونە لدۆر مافێ پێکهاتەیان ل ٢٥ی کانونا دووێ یا ٢٠٢٣ێ درۆنشتنەکێدا دگەل خانم جینین پلاسخارت هنارتیا سکرتێرێ گشتیێ نەتەوێن ئێکگرتی راگەهاند:( پێدڤیە ئیرادە و بەرژەوەندیێن پێکهاتەیان بەرچاڤ بهێنە وەرگرتن و بۆ مافێن وان دهەلبژارتناندا نابیت ل دەرڤەی ئیرادەیا پێکهاتەیان چ فورمولەیەک ب سەر پێکهاتەیان بهێتە سەپاندن).
هەروەسا ل رۆژا ٢٧ی شۆباتا ٢٠٢٤ێ دگەل رادیویا مونتی کارلو جەنابێ سەرۆک بارزانی بەحسێ رەوش و پێشهاتێن سیاسی ل عیراقێ کر و دیارکر مەترسی ل سەر دیموکراسیێ هەیە.
چوونا سەرۆک بارزانی بۆ بەغدا گەرەنتیکرنا مافێن گەلێ کوردستانێ یە، ب سەر بنەمایێن دیموکراسیێ (تەوازن، تەوافق، شەراکەتە) ئەڤ سەرەدانا ڤێ دوماهیێ ب وی رەنگێ مەزن دەرخەرا وێ راستیی یە پێگەهێ سەروک بارزانی دگۆرەپانا سیاسی یا عیراقێ و رۆژهەلاتا ناڤەراستدا و پێداگیریا جەنابێ وانە بۆ بەروف پێشڤەبرنا دیموکراسیێ و ئایندەکێ گەشتر بۆ گەلێ کوردستانێ و هیڤیدارین لدویڤ ستراتیژی و پلانا سەروک بارزانی سەربگریت.
دوماهی هەلبژارتنێن ئورگانێن نافخویی یێن پارتی دیموکراتی کوردستان ب بریارا جەنابێ سەروک بارزانی ل پێش هەلبژارتنێن پەرلەمانێ کوردستانێ گرۆڤەیەکا دی یا پێداگیریێ یە بۆ کوورکرنا پرسا دیموکراسیێ. رەنگە ئەنجام وەکو کەس بدلێ من نەبن لێ دوماهی جار پارتی و جەماوەرێ وێ ژ مە مەزنترە و ئەو بریارێ ددەن و ئەم دێ دخزمەتکاربین.
مللەت عسمەت
وەڵام بدەوه