هێزێکی زۆر نێردرا

وەزارەتی دەرەوەی پاکستان لە 9ـی تشرینی یەکەمی 2026 پشتڕاستی کردەوە کە ژمارەیەکی زۆر لە هێز و پێداویستییە سەربازییەکانیان لە شاری ڕیاز جێگیر کراون؛ ئەمەش وەک پابەندبوونێک بە ڕێککەوتننامەی مەککە بۆ پاراستنی ئاسایش و سەروەریی خاکی شانشینی سعوودیە.
سەجاد حەیدەر خان، گوتەبێژی وەزارەتی دەرەوەی پاکستان ڕوونی کردەوە کە سەربازانی وڵاتەکەی ناپەڕنەوە بۆ ئەودیوی سنوور تا هێرش بکەنە سەر حووسییـ.ـەکان؛ بەڵکو ئەرکی بنەڕەتیی ئەوان تەنیا بەرگریکردن دەبێت لە خاکی سعوودیە لە بەرامەر هەر هەڕەشەیەکدا.
بڵاوەپێکردنی ئەم هێزە سەربازییانە لە کاتێکدایە کە گرژییەکان لەگەڵ حووسییـ.ـەکانی یەمەن پەرەیان سەندووە؛ هاوکات ئیسلام ئاباد پێشتر ڕێککەوتننامەی بەرگریی هاوبەشی لەگەڵ تورکیا و سعوودیە واژۆ کردووە، بۆ ڕووبەڕووبوونەوەی ئاڵۆزییە ئەمنییەکان لە سەرتاسەری ناوچەکەدا.