قاڵیباف هەڕەشەی توند لە ئەمریکا دەکات

محەمەد باقر قاڵیباف، سەرۆکی پەرلەمانی ئێران هۆشداری توند دەداتە ئەمریکا و ڕایدەگەیەنێت، ئەگەر هێرش بکرێتە سەر سامان و دامەزراوەکانیان، ئەوا وەڵامی توندیان دەبێت و هێرش دەکەنە سەر کۆمپانیا نەوتی و غازییەکانی ئەمریکا لە ناوچەکەدا.
سەرۆکی پەرلەمانی ئێران لە لێدوانێکدا ئاماژەی بەوە کرد: "هاوکێشەکە سادە و تێگەیشتنی ئاسانە، زنجیرەی بەرهەمهێنانی نەوت و غاز لەم ناوچەیەدا بەرفراوان، بڵاوەپێکراو، بەردەست و لاوازە. ئەو کۆمپانیا ئەمریکییانەی نەوت و غازیش کە لەم ئاو و دامەزراوانەدا کار دەکەن، بە هەمان شێوە ئامانجێکی لاوازن و دەکرێت زیانیان پێ بگات".
قاڵیباف جەختی لەوەش کردەوە و وتی: "ئەگەر هێرش بکەنە سەر سامانەکانمان، ئەوا هێرشتان دەکرێتە سەر. ئێمە پێشتر ئەو توانایەی خۆمان سەلماندووە، دەتوانن لەو بنکە سەربازییانەتان بپرسن کە لەکار خراون".