ڕێککەوتن نزیکە

لەبارەی گەروی هورمزەوە: عومان و ئێران نزیکن لەڕێککەوتن
ئاژانسی هەواڵی سی ئێن ئێنی ئەمریکی، دەربارەی سەردانەکەی ئەمڕۆی عەباس عێراقچی، وەزیری دەرەوەی ئێران بۆ عومان و ئەگەری ڕێککەوتنیان لەبارەی گەروی هورمزەوە دەڵێت: عومان پێشنیاری ڕێککەوتنێکی تایبەتی کردووە بۆ ئێران، سەبارەت بەچۆنیەتی ئیدارەدانی ڕێڕەوی دەریاوانی و هاتوچۆ لەگەروی هورمزدا.
سی ئێن ئێن دەشڵێت: پێشنیارەکەی عومان بۆ ئێران، لەبارەی چۆنییەتی بەڕێوەبردنی هاتوچۆ لەنێو گەروی هورمز، بەوجۆرەیە کەهاتوچۆ لەنێو گەروەکەدا بکرێت لەڕێگەی دو ڕێڕەوی جیاوازەوە.
لای خۆیەوە، ئاژانسی هەواڵی عومانیش دەڵێت: عومان و ئێران ڕێککەوتون لەسەر بەردەوامکردنی گفتوگۆ هونەری و سیاسییەکانیان، بۆ گەیشتن بە ڕێککەوتنێک سەبارەت بە ڕێڕەوی دەریاوانی لە گەروی هورمز.