دەقی ڕێککەوتنەکە بڵاوکرایەوە

مەسعوود پزیشكیان سەرۆكی ئێران دەقی رێككەوتنی نێوان وڵاتەكەی و ئەمەریكا بڵاو دەكاتەوە و دەقەكەی بە "بەڵگەیەكی مێژوویی" وەسف دەكات.
ئەمڕۆ پێنجشەم 18 ی حوزەیران، مەسعوود پزیشكیان سەرۆكی ئێران دەقی رێككەوتنەكەی ئێران و ئەمەریكای بڵاو كردووەتەوە كە لە 14 خاڵ پێكهاتوون:
یەكەم: كۆماری ئیسلامیی ئێران و ویلایەتە یەكگرتووەكانی ئەمەریكا لەگەڵ هاوپەیمانەكانیان شەڕ رادەگرن لە هەموو بەرەكان بە لبنانیشەوە.
دووەم: ئێران و ئەمەریكا پابەند دەبن بە رێزگرتن لە سەروەریی یەكتر و سەلامەتیی خاكەكەیان دەست وەرنادەنە كاروباری یەكتر
سێیەم: لە ماوەی 60 رۆژدا هەردوو وڵات دانوستاندن دەكەن بۆ گەیشتن بە رێككەوتنی كۆتایی.
چوارەم: لەگەڵ واژووكردنی یاداشتەكەدا ئەمەریكا ئابڵۆقەی دەریایی و هەر كۆسپێكی تر لە بەردەم ئێران لادەبات.
پێنجەم: ئێران رێكارییەكان دەگرێتەبەر بۆ ئەوەی گەرەنتی بە تێپەڕبوونی كەشتییەكان بدات بێ وەرگرتنی باج و تەنیا بۆ 60 رۆژ.
شەشەم: ئەمەریكا و هاوپەیمانەكان هەوڵ دەدەن پلانێك بۆ ئاوەدانكردنەوەی ئێران دابنێن بە بەهای 300 ملیار دۆلار.
حەوتەم: ئەمەریكا كۆتایی بە هەموو شێوەكانی سزاكانی سەر ئێران دەهێنێت.
هەشتەم: ئێران هەوڵ نادات چەكی ئەتۆمی هەبێت.
نۆیەم: تا گەیشتن بە رێككەوتنی كۆتایی ئەو بارودۆخەی ئێستە دەپارێزرێت.
دەیەم: تا رێككەوتنی كۆتایی دەكرێت وەزارەتی گەنجینەی ئەمەریكا لێخۆشبوون بۆ هەناردەی نەوتی ئێران دەردەكات.
یانزەم: ئەمەریكا بەڵێن دەدات پارە بلۆككراەكەی ئێران بداتەوە.
دوانزەم: ئەمەریكا و ئێران میكانیزمێك دادەنێن بۆ چاودێریی جێبەجێكردنی ئەو یاداشتە.
سێزدەم: دوای واژووكردن و جێبەجێكردنی بڕگەی یەكەم و چوارەم و پێنجەم و 10 و 11، ئەمەریكا و ئێران دەست بە دانوستاندن دەكەن.
چواردەم: پابەندبوون بە رێككەوتنی كۆتایی بە بڕیارێكی ئەنجوومەنی ئاسایشی نێودەوڵەتی لایەنەكانی پێوە پابەند دەكرێت.