شکستی نەتەنیاهۆ راگەیاندرا

سەرۆکی ئۆپۆزسیۆنی ئیسرائیل لە ڕێککەوتنی ئێران و ئەمریکا نیگەرانە و دەڵێت شکستە بۆ بنیامین نەتانیاهۆ. یائیر لابید، سەرۆکی ئۆپۆزسیۆنی ئیسرائیل، لە لێدوانێکدا بۆ ڕۆژنامەی تایمزی بەریتانی ڕایگەیاند، بەهۆی بەدینەهاتنی ئامانجەکانی جەنگ، دڵەڕاوکێ، بێهیوایی و ڕەشبینییەکی بێوێنە باڵی بەسەر کۆمەڵگەی ئیسرائیلیدا کێشاوە کە چیدی بەرگەی ناگیرێت.
لابید جەختی لەوە کردەوە پەیوەندییەکانیان لەگەڵ ئەمریکا زیانی پێگەیشتووە و پێویستە حکومەتی داهاتوو ئەم زیانانە قەرەبوو بکاتەوە. سەبارەت بە دۆسیەی ئەتۆمی ئێرانیش، ئاماژەی بەوە کرد ئیسرائیل پێویستە ڕێککەوتنەکە قبوڵ بکات، بەمەرجێک توانای سەربازی و مافی بەرگری لە خۆی بپارێزێت.
 هاوکات لابید لە پۆستێکدا لە تۆڕی کۆمەڵایەتیی ئێکس هێرشی توندی کردە سەر سەرۆکوەزیران بنیامین نەتانیاهو و ڕایگەیاند، ئەو ڕێککەوتنەی ئێستا لە نێوان واشنتن و تاراندا گەڵاڵە دەکرێت، هیچ کام لە ئامانجەکانی ئیسرائیل ناپێکێت.  چونکە ڕژێمی ئێران ماوەتەوە و بەرنامە مووشەکییەکەی بەردەوامە و ڕێککەوتنەکە ڕێگری لە بەرنامەی ئەتۆمی ئێران ناکات و ئەمەی بە "شکستێکی تەواو" بۆ نەتانیاهو دانا.