بەرپرسێکی دیکەی گەورەی تورکیا گیرا

ئۆپەراسیۆنی دەستگیركردنی سەرۆک شارەوانییەكانی سەر بە جەهەپە لە توركیا بەردەوامی هەیە، ئەمڕۆ ٢٦ی ٥ی ٢٠٢٦، سەرۆكی شارەوانیی گوزەل باخچە، بەتۆمەتی گەندەڵی و بەهەدەردانی سامانی گشتی دەستگیر كرا.
لەسەر داوای، داواكاریی گشتیی ئیزمیر، موستەفا گونای، سەرۆكی شارەوانیی گوزەل باخچە و حەوت كەسی تری سەر بە هەمان شارەوانی، بەتۆمەتی گەندەڵی دەستگیر كران.
بەگوێرەی ئەو زانیارییانەی لە میدیاكانی توركیا بڵاو كراوەتەوە، موستەفا و حەوت فەرمانبەرەكەی تر، بە تۆمەتی ئەوەی رەشوەیان وەرگرتووە، هەروەها گەندەڵیان لە چەند تەندەرێكدا كردووە و جیا لەوەش ویسویانە گرووپێك دروست بكەن، بۆ كاری نایاسایی
دوو تۆمەتباری تریش لەسەر هەمان دۆسیە فەرمانی دەستگیركردنیان بۆ دەرچووە، بەڵام لە توركیا نەبوونە و لە دەرەوەی وڵاتن، بۆیە نەتوانراوە دەستگیر بكرێن.
 پۆلیس هەڵیكوتاوەتە سەر باڵەخانەی شارەوانی و لێكۆڵینەوە و پشكنینیان كردووە و دەستیان بەسەر چەند دۆسیەیەكدا گرتووە.