کوردستان پرێس: میدیاکانی ئیسرائیل ئاشکرای دەکەن کە سوپای وڵاتەکەیان لەوپەڕی ئامادهباشیدایە بۆ دەستپێکردنی هێرشێکی سەربازی بۆ سەر ئێران، ئەگەر بێت و هەوڵە دیپلۆماسییەکان و دانوستانەکان شکست بهێنن.
وردەکاریی پلانە سەربازییەکە
بە گوێرهی زانیارییەکانی كهناڵی i24ی ئیسرائیلی، کە لە زاری ئایال زامیر، سوپاسالاری هێزهكانی ئیسرائیلەوە بڵاوی کردووەتەوە:
کاتنی هێرشەکە: پێشبینی دەکرێت لە نێوان ئەمڕۆ دووشەممە تا پێنجشەممەی ئەم هەفتەیە بێت.
جۆری گورزەکە: هێرشێکی "کورت و گورچكبڕ" دەبێت، کە ئامانج لێی ناچارکردنی تارانە بۆ گەڕانەوە سەر مێزی گفتوگۆ و قبوڵکردنی مەرجەکانی واشنتن.
هاوئاهەنگی: ئەم ئۆپراسیۆنە تەنیا لەلایەن ئەمریکاوە نابێت، بەڵکوو بە هاوئاهەنگی تەواوی نێوان سوپای ئیسرائیل و ئەمریکا ئەنجام دەدرێت.
ئاستەنگە سیاسییەکان
سەرڕای ئامادەکارییەکان، ئاماژە بەوە دەکرێت کە جیاوازییەکان لە نێوان واشنتن و تاران زۆر و فراوانن. هاوکات خشتەی کارەکانی دۆناڵد ترەمپ، سەرۆکی ئەمریکا لەم هەفتەیەدا زۆر چڕە، بە تایبەت بەهۆی سەردانەکەی بۆ چین و کۆبوونەوەی لەگەڵ شی جین پینگ. شارەزایان پێیان وایە دوورە ترەمپ بەر لەو کۆبوونەوەیە بڕیاری هێرشەکە بدات، مەگەر دۆخەکە بە ئاراستەیەکی دیکەدا بڕوات.
سوپاسالاری ئیسرائیل جەختی کردووەتەوە کە چەند هەفتەیەکە سوپا خەریکی ئامادەکارییە بۆ ئەگەرەکان و ڕووبەڕووبوونەوەی ڕاستەوخۆ لەگەڵ ئێران.
#kurdistanpress
وەڵام بدەوه