ئەمڕۆ هەینی، ١ی ئایاری ٢٠٢٦، وەزارەتی گەنجینەی ئەمریکا بڵاویکردەوە کە زنجیرەیەک سزای نوێی دارایی و بازرگانییان بەسەر کۆمەڵێک کەسایەتی، قەوارە و کەشتی ئێرانی و بیانیدا سەپاندووە.
ئامانجی سەرەکی ئەم سزایانە، وەک لە ڕاگەیەنراوەکەدا هاتووە، وشککردنی سەرچاوە داراییەکانی ئێرانە و بڕینی ئەو ڕێگا ناڕاستەوخۆیانەیە کە تاران بۆ دەربازبوون لە سزاکان بەکاریان دەهێنێت.
وردەکاری سزاکان:
کۆمپانیاکانی چین: سزاکان چەندین کەسایەتی و قەوارە دەگرێتەوە کە لە وڵاتی چین کار دەکەن و هاوکاری دارایی و بازرگانی ئێران دەکەن.
بانکە سێبەرەکان: سێ کۆمپانیای گۆڕینەوەی دراو خراونەتە لیستی ڕەشەوە، کە وەک «بانکی سێبەر» بۆ ڕژێمی ئێران وەسف کراون، لە نێویاندا کۆمپانیای (ڕەهبەر).
کەرتی دەریایی: سزاکان تەنیا دارایی نین و کەشتییەکی ئێرانیش بەهۆی تێوەگلانی لە گواستنەوە نایاساییەکان خراوەتە ناو لیستەکە.
وەزارەتی گەنجینەی ئەمریکا: "ئەم هەنگاوە بۆ ڕێگریکردنە لەو تۆڕە داراییانەی کە یارمەتی ڕژێمی ئێران دەدەن بۆ بەدەستهێنانی داهاتی نایاسایی."
#kurdistanpress
وەڵام بدەوه