ئەمڕۆ چوارشەم 25ی ئاداری 2026، مایک جۆنسن سەرۆکی ئەنجوومەنی نوێنەرانی ئەمەریکا كە بەشێكە لە كۆنگرێس دووپاتی کردەوە کە ئۆپراسیۆنە سەربازییەکەی دژی ئێران خەریکە کۆتایی دێت.
جۆنسن لە لێدوانێکی ڕۆژنامەوانیدا ڕای گەیاند، ئامانجەکانی ئۆپراسیۆنی "تووڕەییی داستانی" هاتوونەتە دی، بەڵام پرسی گەیشتن بە گەرووی هورمز هێشتا پێویستی بە چارەسەرکردن هەیە.
سەرۆکی ئەنجوومەنی نوێنەرانی ئەمەریکا ئاماژەی بەوەش دا کە ئۆپراسیۆنی "تووڕەییی داستانی" خەریکە کۆتایی دێت و لە قۆناغەکانی کۆتاییدایە.
پێشتر و هەر ئەمڕۆ چوارشەم، کۆشکی سپی هەڕەشەی وەشاندنی "گورزێکی گەورەتر"ی لە ئێران کردبوو، ئەگەر ددان بە شکستەکەیدا نەنێت لەو جەنگەی کە ویلایەتە یەکگرتووەکانی ئەمەریکا بە هاوبەشی لەگەڵ ئیسرائیل دژی بەرپای کردووە.
وەڵام بدەوه