تۆڕی هەواڵی سکای نیوز عەرەبی بڵاویکردەوە، ئێوارەی رۆژی شەممە موشەکێکی ئێرانی لە شارۆچکەی عەراد لە باشوری ئیسرائیل کەوتە خوارەوە و بەهۆیەوە پێنج کەس کوژراون و زیاتر لە 100 کەسیش برینداربون.
میدیا ناوخۆییەکان گرتە ڤیدیۆییەکانی باڵەخانە زیانلێکەوتوەکانی ئەو شارۆچکەیەیان بڵاوکردەوە، کە دەکەوێتە 25 کیلۆمەتر لە باکوری ڕۆژهەڵاتی دیمۆنا، کە پێشتر و ڕۆژی شەممە موشەکێکی ئێرانی کەوتبوە خوارەوە.
کەناڵی 12ی ئیسرائیلی بڵاویکردەوە، هەلیکۆپتەرەکان ڕەوانەی شوێنی هێرشە موشەکییەکەی ئێران کراون بۆ یارمەتیدان لە گواستنەوەی بریندارەکان.
دەزگای ئاگرکوژێنەوەی ئیسرائیل پشتڕاستی کردەوە کە موشەکەکەی ئێران ڕاستەوخۆ بەر شاری عەراد کەوتوە و زیانی بەرچاوی بە ژمارەیەک باڵەخانە گەیاندوە.
وەڵام بدەوه