تۆم باراك نێرده‌ى تایبه‌تى ئه‌مه‌ریكا بۆ كاروبارى سووریا، به دوورى نه‌زانێ به‌منزیكانه رێككه‌وتن له نێوان سووریا و ئیسرائیل بكرێت و دووپاتیشى كرده‌وه، ئه‌حمه‌د شه‌رع سه‌رۆكى سووریا رقى له ئیسرائیل نابێته‌وه.
ئه‌مڕۆ دووشه‌م 30ى حوزه‌یران، ماڵپه‌ڕى حه‌ده‌س لێدوانێكى تۆم باراكى بڵاو كردووه‌ته‌وه و تێیدا ئاماژه‌ى بۆ ئه‌وه كردووه، شه‌ڕى نێوان ئێران و ئیسرائیل هه‌لێكه بۆ داڕشتنى رۆژهه‌ڵاتى ناوه‌ڕاستى نوێ، بۆیه ده‌بێت هه‌مووان ئاگادارى ئه‌و هه‌له‌بن.
له‌باره‌ی سووریا، تۆم باراك به دوورى نازانێ به‌منزیكانه رێككه‌وتن له نێوان سووریا و ئیسرائیل بكرێت و ده‌شڵێ، "ئه‌حمه‌د شه‌رع رای گه‌یاندووه كه رقى له ئیسرائیل نابێته‌وه، خوازیاره ئاشتى له نێوانیان هه‌بێت". تۆم باراك باس له‌وه ده‌كات ئیسرائیلیش هه‌مان تێڕوانینى هه‌یه، ده‌كرێ ئه‌مه‌ش سه‌ره‌تایه‌ك بێت بۆ گفتوگۆ.
له ناوه‌ڕاستى مانگى رابردوو "ئایار" دۆناڵد تره‌مپ سه‌رۆكى ئه‌مه‌ریكا له سعوودیه، دیدارى له‌گه‌ڵ ئه‌حمه‌د شه‌رع ئه‌نجام دا و به‌ڵێنى دا سزاكانى سووریا هه‌ڵبگرێت، به‌ڵام به كۆمه‌ڵێك مه‌رج، یه‌كێك له مه‌رجه‌كان رێككه‌وتن و ئاساییكردنه‌وه‌ى پێوه‌ندیى سووریا بوو له‌گه‌ڵ ئیسرائیل.
نێرده‌ى تایبه‌تى ئه‌مه‌ریكا : شه‌ڕى نێوان ئێران و ئیسرائیل هه‌لێكه بۆ داڕشتنى رۆژهه‌ڵاتى ناوه‌ڕاستى نوێ
ئەمرۆ |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه