سەرچاوەیەکی باڵای ئێرانی لە لێدوانێکدا بۆ کەناڵی سی ئێن ئێنی ئەمریکی ئەو دەنگۆیانەی ڕەت کردەوە کە کەمبوونەوەی ژمارەی هەڵدانی مووشەک بەرەو ئیسرائیل، دەگەڕێتەوە بۆ کەمبوونەوەی ژمارەی مووشەکەکانی ئێران لە ناو کۆگاکان.
ئەمڕۆ شەممە، 21ـی حوزەیران، سەرچاوەیەکی باڵای ئێران کە ناوەکەی ئاشکرا نەکراوە، رایگەیاند: کەمبوونەوەی هەڵدانی مووشەک، پەیوەندیی بە کەمیی مووشەکەوە نییە بەڵکوو بۆ بەدەست هێنانی ئامانجی باشتر، کار لەسەر جۆری مووشەکەکان دەکەین.
گوتیشی: ئێران سیاسەتی مووشەکیی خۆی گۆڕیوە و کوالێتی جێی چەندیەتیی گرتووەتەوە. "ئێران لەبری تەقاندنی مووشەکی زۆر، مووشەکی وردی پێشکەوتووتر لە دژی ناوەندە سەربازی و ئەمنییە هەستیارەکان بەکاردەهێنێت".
ئەو سەرچاوەیە باسی لەوەش کرد: بینیمان کە مووشەکێکمان هەڵداوە و لە ئاسانی بە هەموو سیستەمەکانی بەرگری تێپەڕیوە، ئیسرائیل نابێت دڵخۆش بێت بە کەمبوونەوەی ژمارەی مووشەکە ئاراستەکراوەکان، لەبەر ئەوەی تا ژمارەیان کەمتر بێت، مەترسییان زیاتر دەبێت.
وەڵام بدەوه