ئێران لەڕێگەی بەڵگەنامەی سەختە هەوڵی هەناردە کردنی نەوتی داوە

حەیان عەبدولغەنی، وەزیری نەوتی عێراق ڕایگەیاند، كەشتییە نەوت هەڵگرەكانی ئێران كە لەلایەن هێزەكانی ئەمریكا لە كەنداو دەستیان بەسەردا گیرا، بەڵگەنامەی ساختەی عێراقییان بەكارهێناوە.

ئیدارەی ئەمریكا سیاسەتی "ئەوپەڕی گوشار"ی بەسەر ئێراندا سەپاندەوە، ئەمەش گەڕانەوەیە بۆ ئەو سیاسەتەی كە لە خولی یەكەمی سەرۆكایەتی دۆناڵد ترەمپدا بەكاری هێنابوو، كە هەوڵی دابڕانی ئێران لە ئابووری جیهانی و نەهێشتنی داهاتی هەناردەكردنی نەوتی دەدا لە پێناو خاوكردنەوەی پەرەپێدانی چەكی ئەتۆمی.

بە گوێرەی زانیارییەكان ئەو كەشتییانەی ئێران كە ئەمریكا دەستی بەسەردا گرتون بۆ خۆدزینەوە لە سزا و گەمارۆكانی ئەمریكا بەڵگەنامەی ساختەی عێراقییان بەكارهێناوە، ئەم زانیارییانەش لەلایەن وەزیری نەوتەوە پشتڕاست كرانەوە.