حووسییەکان، بەرەبەیانی ئەمڕۆ شەممە، 21ی كانوونی یەكەمی 2024، (تەلئەبیب)ـیان بە مووشەکێکی بالیستی کردە ئامانج و بووە هۆی برینداربوونی دەیان ئیسرائیلی.
دوای کەوتنی مووشەکەکە لە تەلئەبیب، سوپای ئیسرائیل پشتڕاستی کردەوە کە مووشەكەكە لە یەمەنەوە هاوێژراوە.
هاوكات فریاکەوتنی ئیسرائیل پشتڕاستی کردەوە کە 16 کەس بریندار بوون و زیانێکی گەورەی دارایی هەیە.
ڕۆژنامەی (یەدیعۆت ئەحرۆنۆت) ئاماژەی بەوە کردووە کە مووشەکەكە بالیستی و لە جۆری زەوی-زەوی بووە و لە کۆمەڵگەیەکی نیشتەجێبوونی تەقیوەتەوە.
هەروەها ڕۆژنامەی (مەعاریڤ)ی ئیسرائیلی ڕایگەیاندووە لە سەرەتای شەڕەوە، حوسییەکان 201 مووشەک و زیاتر لە 170 فڕۆکەی بێفڕۆکەوانی تەقینەوەیان بەرەو ئیسرائیل ناردووە کە زۆربەیان لەلایەن ئەمریکییەکان و هێزی ئاسمانی و دەریایی ئیسرائیلەوە ڕێگری لێکراوە.
وەڵام بدەوه