ئه‌مڕۆ دووشه‌ممه 25ی 11ی 2024 میدیاكانی میسڕ بڵاویان كرده‌وه كه كه‌شتییه‌ك به 45 كه‌سه‌وه ژێرئاو كه‌وتووه.
ئاماژه به‌وه دراوه، كه له ناوچه‌ی شه‌عاب مه‌رجانییه له مه‌رسیی عه‌له‌م له پارێزگای ده‌ریای سوور كه‌شتییه‌ك به 45 كه‌سه‌وه ژێر ئاوكه‌وتووه كه 31 كه‌سیان بۆ گه‌شتكردن ڕوویان له میسڕ كردووه و 14 كه‌سی دیكه‌یان ئه‌ندامی تیمی كه‌شتییه‌كه‌ن كه روویان له ناوچه‌ی غه‌دیری له دوڵی جه‌مال كرد بوو.
ئه‌وه‌ش خراوه‌ته ڕوو، ئه‌و كه‌شتییه دوای دیارنه‌مانی ده‌ركه‌وت كه ژێرئاو كه‌وتووه و تا ئێستا توانراوه 28 كه‌سیان ڕزگار بكرێن و 17 كه‌سی دیكه‌یان بێسه‌روشوێنن و گه‌ڕان بۆ دۆزینه‌وه‌یان به‌رده‌وامه.
وەڵام بدەوه