ڕۆژی سێشەممە، 19ی 11ی 2024، بێنیامین نەتەنیاهۆ، سەرۆکوەزیرانی ئیسرائیل، ڕایگەیاندووە: لە بەرانبەر ئازادکردنی هەر بارمتەیەکی ئیسرائیل، 5 ملیۆن دۆلار دەبەخشێت.
لە ڤیدیۆیەکی ناوبراو کە لە غەزە وێنەی گیراوە، باس لەوە دەکات، هەرکەسێک بارمتەیەکی ئیسرائیل ڕزگار بکات، ڕێگەیەکی ئاسایشمەند و دڵنیا بۆ دەرچوون لە غەزە بۆ خۆی و خێزانەکەی دابین دەکەین و 5 ملیۆن دۆلاری پێ دەبەخشین.
ئەوەشی ڕاگەیاندووە، ئیدی دوای جەنگی غەزە، حەماس ناتوانێت هیچ دەسەڵات و هێزێکی لە کەرتی غەزە هەبێت.
بەپێی سەرچاوەکان، لە سەرەتای هێرشەکانی حەماس لە 7 ی ئۆکتۆبەر، 251 کەسی ئیسرائیل بە بارمتە گیراون و جگە لە بەردانی هەندێکیان و کوشتنی بەشێکیان، گومان دەکرێ زیاتر لە 70 بارمتە هێشتا مابنەوە.
وەڵام بدەوه