سەركۆماری توركیا رای گەیاند كە تەواوی پێوەندییە دیپلۆماسییەكانیان لەگەڵ ئیسرائیل دەپچڕێنن و دووپاتیشی كردەوە كە ئێستە هیچ پێوەندییەك لە نێوان توركیا و ئیسرائیلدا نییە.
ئەمڕۆ چوارشەم 13ی نۆڤێمبەری 2024، رەجەب تەیب ئەردۆگان، سەركۆماری توركیا رای گەیاند ئەنقەرە هیچ هەنگاوێك و رێكارێك ناگرێتە بەر لە پێناو پەرەپێدانی پێوەندییەكانی لەگەڵ ئیسرائیل لە هەنگاوەكانی داهاتوودا.
ئەم قسانەی سەركۆماری توركیا دوای ئەوە دێت، لە ئۆكتۆبەری 2023ەوە ئیسرائیل هێرشی كردە سەر كەرتی غەزە و لەلایەن كۆمەڵگەی نێودەوڵەتییەوە بەوە تۆمەتبار دەكرێت كە كۆمەڵكوژی لە كەرتەكە ئەجام دابێت و توركیا لە یەكەمی مایۆی ئەمساڵدا بڕیاری دا پێوەندییە بازرگانییەكانی بەشێوەی یەكجاری لەگەڵ ئیسرائیل كۆتایی پێبهێنیت و 54 كۆمەڵە كاڵا كە هەناردەی دەكردە ئیسرائیل قەدەغەی كرد.
وەڵام بدەوه