میدیاكان لە سەرچاوە ئیسرائیلییەكانەوە، زانیارییەكی تازەیان لەبارەی ئەو مووشەكەوە ئاشكرا كرد كە ئیسماعیل هەنیەی پێ كرایە ئامانج.
هەرچەندە لە دوای بڵاوبوونەوەی هەواڵی كوشتنی ئیسماعیل هەنیە، دەنگۆی ئەوە بڵاو كرایەوە كە مووشەكەكە لە پارێزگای بابلی عێراق یانیش لە ئازەربایجانەوە ئاراستەی تارانی پایتەختی ئێران كراوە، بەڵام میدیاكان لە زاری یونی بن مناحم، رۆژنامەنووسی ئیسرائیلییەوە بڵاویان كردۆتەوە كە ئەو مووشەكەی ئیسماعیل هەنیەی لە تەهران پێ كراوەتە ئامانج، لە ژێردەریاییەكەوە هەڵدراوە.
ئەمە لە كاتێكدایە كە هێشتا زانیاریی ورد لەبارەی جۆری ئەو مووشەكە بڵاو نەكراوەتەوە كە كردەوەكەی پێ جێبەجێ كراوە.
جێگەی باسە كوشتنی ئیسماعیل هەنیە كاردانەوەی توندی لە ئاستی وڵاتانی رۆژهەڵاتی ناوەڕاست و وڵاتانی ڕووسیا و چین لێكەوتۆتەوە و بەشێك لەو وڵاتانە، بە تایبەتیش ئێران، هەڕەشەی تۆڵەكردنەوە دەكەن.
وەڵام بدەوه