بەرپرسێکی باڵای ئیسرائیل دانی بەوەدا نا کە دەزگا هەواڵگرییەکانی وڵاتەکەی هەڵسەنگاندنی هەڵەیان کردووە پێش هێرشەکەی حەماس بۆسەر ئیسرائیل.
ئەمڕۆ شەممە 14ـی 10ـی 2023 تساحی هانێگبی، ڕاوێژکاری ئاسایشی نیشتمانی ئیسرائیل لە کۆنگرەیەکی ڕۆژنامەوانیدا لە وەڵامێکی پرسیارێکی سەبارەت بە لێدوانەکانی لەبارەی پێشبینینەکردنی بۆ هێرشی حەماس گوتی: ئەوە هەڵەی منە، هەروەها ڕەنگدانەوەی هەڵەکانی هەموو ئەو کەسانەیە کە ئەم هەڵسەنگاندنە هەواڵگرییانە دەکەن.
ڕاشیگەیاند: بەڕاستی باوەڕمان وابوو کە حەماس وانەی خۆی وەرگرتووە لەدوایین شەڕی ئیسرائیل لەگەڵ ئیسرائیل لە ساڵی 2021.
بەرەبەیانی ڕۆژی شەممە 07ـی 10ـی 2023 ئەم هەفتەیە، كەتیبەكانی عیزەددین قەسام باڵی سەربازیی حەماس لە كەرتی غەززە، دەستپێكردنی ئۆپەراسیۆنێكیان بەناوی "گەردەلوولی ئەقسا" دژی ئیسرائیل ڕاگەیاند و لەبەرامبەردا سوپای ئیسرائیل بە دەیان فڕۆكەی جەنگی هێرشێكی سەربازیی بۆ بەرپەرچدانەوەی ئەو مووشەكانە ڕاگەیاند كە لە كەرتی غەززەوە ئاراستەی دەكرێت، بەمەش هەزاران کوژراو و بریندار لەهەردوولا کەوتنەوە.
وەڵام بدەوه