پەرلەمانتارێکی پارتی لە پەرلەمانی عێراق ئاشکرای دەکات، 400 ملیار دیناری دیکە دەنێردرێ و دەشڵێت: "مانگی داهاتوو بەشی مووچەی فەرمانبەران و خانەنشینان و بەشەبودجەی هەرێمی کوردستان بەپێی بودجەکە دەنێردرێ و کێشەی مووچەش چارەسەر دەبێ، مانگانە مووچە و بودجە دەنێردرێ، کە ئەوەش ماف و شایستەی هەرێمی کوردستانە.
شێروان دووبەردانی، پەرلەمانتاری پارتی لە پەرلەمانی عێراق راگەیاند: "دوای ئەوەی دوێنێ سەرکۆماری عێراق یاسای بودجەی گشتیی پەسند کرد، لە ڕۆژنامەی فەرمی بڵاو دەکرێتەوە و داراییش کاری خۆی دەکات و دەچێتە واری جێبەجێکردن، کە 78 ماددەیە و لەنێویاندا ماددەکانی پەیوەست بە هەرێمی کوردستانیش هەن."
ئەو پەرلەمانتارە جەختی کردەوە، لە مانگی داهاتووەوە لەسەر بنەمای بودجە و ڕێكکەوتنی حکوومەتی هەرێمی کوردستان و عێراق، لە چوارچێوەی یاسای بودجە چارەسەر دەبێت و دواکەوتنی مووچە نامێنێ، گوتیشی: "بەشی مووچەی فەرمانبەران و خانەنشینان و بەشەبودجەی هەرێمی کوردستان دەبێ بەپێی بودجەکە بنێردرێ و کێشەی مووچەش چارەسەر دەبێ و مانگانە مووچە و بودجە دەنێردرێ، کە ئەوەش ماف و شایستەی هەرێمی کوردستانە.
شێروان دووبەردانی جەختی کردەوە: "تاوەکوو سەرەتای مانگی حەوت بودجە لە ڕۆژنامەی فەرمی بڵاو دەبێتەوە، لەنێو مانگی حەوتدا دەبێ وەزارەتی دارایی بڕگە و ماددەکان جێبەجێ بکات و لەنێویاندا بەشەبودجەی هەرێمی کوردستان له مووچە و بودجەی سیادی و حاکیمە و بودجەی پەرەپێدان دەنێردرێت.
ئەو پەرلەمانتارە باسی لەوەش کرد، بۆ مووچەی مانگی پێنج، وەکوو مافی هەرێمی کوردستان 400 ملیار دیناری دیکەش دەنێردرێ، گوتیشی: "پێشتر بڕیاری ئەنجوومەنی وەزیرانی عێراقی لێدراوە، كە تاوەکوو بودجە پەسند دەکرێ، 400 ملیارەکە دەنێردرێ، بۆیە 400 ملیار دیناری دیکە بۆ مووچه دەنێردرێ و هیچ کێشەیەکی نییە."
وەڵام بدەوه