کونسوڵخانەی گشتیی ئەمریکا لە هەولێر ڕەتی دەکاتەوە داوایان کردبێت ڕێگە بە تۆمارکردنی ڕێکخراوی هاوڕەگەزخوازان بدرێت.
ئەمڕۆ شەممە 17ـی 06ـی 2023 کونسوڵخانەی گشتیی ئەمریکا لە هەولێر دەنگۆیەکی ڕەت کردەوە و ڕایگەیاند: هەندێک کەناڵی ڕاگەیاندن هەواڵێکیان بڵاو کردەوە گوایە لە کۆبوونەوەی 08ـی 06ـی 2023 کونسوڵخانەی گشتیی ئەمەریکا داوای لە فەرمانگەی ڕێکخراوە ناحکوومییەکان کردووە ڕێگە بە تۆمارکردنی ڕێکخراوی هاوڕەگەزخوازان بدات.
کونسوڵخانەی گشتیی ئەمریکا لە ڕاگەیەنراوەکەدا ئاماژەی بەوە داوە کە "سەرەڕای ئەوەی کە ئێمە پشتیوانی لە مافە بنەڕەتییەکانی مرۆڤ بۆ هەمووان دەکەین، بەڵام ئەو هەواڵەی کە بڵاوکراوەتەوە دوورە لە ڕاستییەوە."
وەڵام بدەوه