ئەمڕۆ پێنجشەممە 8/6/2023، ئاراس جەبار، شارەزای بواری كەشناسی ڕایگەیاند، سەرەتای ئەمڕۆ تا کاتەکانی ئێوارە ئەگەر کراوەیە بۆ دروستبوونی ھەورەبرووسکە و بارانی کورتخایەن لەسەر ناوچەکانی سنووری پارێزگای سلێمانی و ناوچە شاخاوییە سنوورییەکان و دواتر کۆتایی پێ دێت.
ئاماژەی بەوەش دا: "لە کاتەکانی شەودا لە ناوچەکانی سنووری سلێمانی و ئیدارەی راپەرین بای باکووری رۆژھەڵات چالاک دەبێت بە خێرایی 15 تا 25 کم/س و سبەی ھەینی ٩/٦/٢٠٢٣ کەش سەقامگیر دەبێت و پلەکانی گەرما بە جێگیری دەمێنێتەوە و خێرایی با لەسەرخۆ بۆ مامناوەندە، ١٠–١٥ کم/س لە ئاراستەی باکووری رۆژھەڵاتەوە.
باسی لەوەش کردووە: "دووسبەی شەممە ١٠/٦/٢٠٢٣، جارێکی دیکە ئەگەر ھەیە دۆخێکی ناسەقامگیری بەرگەھەوا لە ناوچە جیا جیاکانی باکووری سعوودیە و سووریا و عێراق و ھەرێمی کوردستان دەست پێ بکاتەوە، ئەمەش لە ئەنجامی بەردەوامیی کاریگەریی نزمەپاڵەپەستۆ گەرمەکانی باکووری ئەفریقا کە شێی لەگەڵدایە و بەھۆی بوونی بارستەھەوای ساردی چینەکانی سەرەوەی بەرگەھەوا دەبێتە ھۆی چڕبوونەوەی ھەور و چالاکبوونی برووسکە و بارانبارین لە کات و شوێنی جیاوازدا. ئەم حاڵەتەش تا ئێوارەی رۆژی یەکشەمە ١١-٦-٢٠٢٣ بەردەوام دەبێت و ئەو ماوەیەش پلەکانی گەرما ھەر بە جێگیری دەمێنێتەوە."
وەڵام بدەوه