كەمێك لەمەوبەر، كۆبوونەوەی سەرجەم حزبە كوردستانییەكانی كەركووك لە بارەگای كۆمیتەی پارێزگای كەركووكی حزبی شیوعیی كوردستان، بە ئامادەبوونی پارتی دیموكراتی كوردستان دەستی پێ كرد.
كۆبوونەوەكە تایبەتە بە گفتوگۆكردن لەبارەی كێشەی زەویوزاری جووتیارانی كورد لە گوندەكانی سنووری كەركووك كە ماوەیەكە عەرەبە هاوردەكان بە پاڵپشتیی میلیشیاكانی حەشدی شەعبی و هێزە ئەمنییەكانی كەركووك، هەروەها لە ڕێگەی ئەو حوكمانەی كە دادگاكان لە دەرەوەی دەستوور و یاسا بەركارەكان دەریدەكەن، هەوڵی داگیركردنی ئەو زەوییانە دەدەن.
ئەمە جگە لەوەی بەردەوام بە پاساوی دروستكردنی دامەزراوەی ئیداری و سەربازی و جۆراوجۆر، زەویی هەردوو پێكهاتەی كورد و توركمان لە سنووری كەركووك داگیر دەكرێت بەبێ ئەوەی هیچ قەرەبوێكی شایستە بە خەڵكەكەی بدەن.
ئەمە لە كاتێكدایە كە بەپێی دەستووری هەمیشەیی عێراق، پێویستە دۆخی كەركووك و دەوروبەری ئاسایی بكرێتەوە و كوردەكان بگەڕێنەوە سەر زەوییەكانی خۆیان و ئەو كوردانەی كە لەسەر زێدی باپیرانیانن، ڕێگەیان بدرێت لە شوێنی خۆیان بمێننەوە، نەك ڕێگرییان لێ بگرێت.
وەڵام بدەوه