نەهلە قادر، ئەندامی ئەنجومەنی نوێنەرانی عێراق لە فراکسیۆنی پارتی راگەیاند: شەوی رابردوو لە ماڵی د. فواد حوسێن، کۆبوونەوە لەگەڵ هاوپەیمانیی ئیدارەی دەوڵەت كراوە، بە گوێرەی زانیارییە سەرەتاییەکان لێكنزیكبوونەوەی باش هەیە.
ڕوونیشی كردەوە، کۆبوونەوەکە زیاتر لەسەر ماددەكانی 13 و 14ی پەیوەندیدار بە پشكی هەرێمی کوردستان لە بودجە بووە كە هەندێک لایەنی عێراقی و كوردستانی ویستوویانە بە زیانی خەڵكی هەرێمی كوردستان دەستکاریی بکەن.
گوتیشی: ئەو لایەنانەی كە دەیانویست دەستكاریی رێککەوتنەکەی نێوان هەردوو حكوومەتی هەرێمی كوردستان و حكوومەتی فیدڕاڵی بكەن لەژێر ناوی پێداچوونەوەی ماددەكانی 13 و 14 لە لێژنەی دارایی، لەگەڵ هاوپەیمانیی ئیدارەی دەوڵەت لێكنزیكبوونەوە و جۆرێك لە ڕێككەوتنیان هەیە و لە كۆتاییدا ئیرادەی پارتی دیموكراتی كوردستان و گەلی كوردستان سەردەكەوێت.“
وەڵام بدەوه