ئەمڕۆ چوارشەممە وەزارەتی دەرەوەی ئەمریکا، پێشوازی لە رێککەوتنی لایەنەکانی هەرێمی کوردستان كرد لەبارەی ئەنجامدانی هەڵبژاردنی پەرلەمانەوە.
ڤێدانت پاتێڵ جێگری گوتەبێژی وەزارەتی دەرەوەی ئەمریکا لە كۆنگرەیەكی رۆژنامه‌وانیدا رای گەیاند ستایشی لایەنەکانی هەرێمی كوردستان دەکەن، كه توانیان بە گفتوگۆ کێشەکان چارەسەر بکەن.
جێگری گوتەبێژی وەزارەتی دەرەوەی ئەمریکا دووپاتی كردەوە كە واشنتن ستایشی لایەنەکانی هەرێمی کوردستان دەكات، له به‌رانبه‌ر ئه‌وه‌ی کێشەکانیان لە رێگەی گفتوگۆوە چارەسەر کرد، ئەوەش هەوڵ و کارێکی گرنگە، کاتێک سەرکردەکان گوێ لە داواکاری هاووڵاتیانیان دەگرن.
جێی باسە كۆبوونه‌وه‌ی لایه‌نه‌كانی هه‌رێمی كوردستان دوای دەستپێشخەری سەرۆک مەسعود بارزانی دێت، کە لە رۆژی 11/5/2023، لە میانی رێوڕەسمی کردنەوەی یادگەی نیشتمانیی بارزانی لە گوتارێکیدا داوای لە لایەنە سیاسییەکان کرد، بۆ دۆزینەوەی چارەسەر بۆ کێشەکانی ناوچەکە، پێش 18ـی ئەم مانگە، کۆبوونەوەیەکی فراوان ساز بکەن.
وەڵام بدەوه