ئەمڕۆ هەینی ئەلینا رۆمانۆوسکی باڵوێزی ئەمریکا لە عێراق سەرسامی خۆی بە ئامادەبوونی کۆمەڵێک سەرکردەی هەرێمی کوردستان و بەغدا و نێودەوڵەتی لە رێوڕەسمی کردنەوەی یادگەی نیشتمانیی بارزانی دەربڕی و هیوای خواست بەم زووانە سەردانی بكات.
رۆمانۆوسکی لە هەژماری خۆیدا لە (تویتەر) وێنەیەكی ڕێورەسمی كردنەوەی یادگەی نیشتمانیی بارزانی بڵاو كردووەتەوە و نووسیویەتی ئامادەبوونی کۆمەڵێک سەرکردەی جۆراوجۆر لە هەرێمی کوردستان و بەغدا و ئاستی نێودەوڵەتی هێمایە بۆ هێزی یەکگرتوویی و پێکەوەژیان. هەروەها سوپاسی ئێرڤن هێکس کۆنسوڵی گشتیی ئەمریکای لە هەولێر كردووە بۆ نوێنەرایەتیکردنی وڵاتەكەی لە بۆنەی کردنەوەی یادگەی نیشتمانیی بارزانیدا.
باڵوێزی ئەمریکا لە عێراق هیوای خواستووە لە داهاتوویەکی نزیکدا سەردانی یادگەی نیشتمانیی بارزانی بکات و لە نزیکەوە بیبینێت.
دوێنێ پێنجشەممە، بە سەرپەرشتی و ئامادەبوونی سەرۆک بارزانی و میوانانی ناوخۆیی و عێراقی و بیانی، رێوڕەسمی کردنەوەی یادگەی نیشتمانیی بارزانی بەڕێوەچوو.
وەڵام بدەوه