ئەمڕۆ سێشەممە، مامۆستایەكی ئافرەت لە هەولێر، بۆ دەزگاكانی ڕاگەیاندن گوتی:لەلایەن دوو مامۆستای ژنەوە هێرشم كرایە سەر و لێیان دام و نینۆكێكمیان لێ كردەوە.
ئەو مامۆستایە گوتیشی: "خۆم مامۆستای ناوەندیم، بەڵام لەلایەن بەڕێوەبەرەكەمەوە ڕێگریم لێ دەكرێ لە قوتابخانەی ناوەندی وانە بڵێمەوە و منیان لە قوتابخانەی سەرەتایی هێشتووەتەوە.
باسی لەوەش كرد: "بەڕێوەبەرەكەم بەشێك لە مووچەكەم دەدزێت و دەڵێت ئەمن مووچەی كەس ناخۆم و ئەگەر قسە بكەی بوختانت بۆ هەڵدەبەستم و مامۆستایەكانیش شایەدن كە مووچەی تۆم نەدزیوە.
مامۆستا ئافرەتەكە دەشڵێت: "لە قوتابخانەكەمان دوو مامۆستای ئینگلیزی هەن، پرسیارەكانی تاقیكردنەوەی وانەكەی من، بە منداڵەكانی خۆیان دەدەن، یاردەدەری بەڕێوەبەری قوتابخانەكەشمان پشتی ئەوان دەگرێت، ئەمڕۆ دوای ئەوەی نمرەی قوتابییەكانم بە كارگێڕیی قوتابخانەكەمان دایەوە، ئەو دوو مامۆستایە بە سەرپەرشتیی یاردەدەری بەڕێوەبەری قوتابخانەكەمان، هێرشیان كردە سەرم و گوتیان نابێ ئەو قوتابییە لە وانەكەت دەرنەچێ و زۆریان لێ دام و نینۆكیشم لێ بووەوە.
ڕوونیشی كردەوە، كە هۆكاری شەڕەكەیان لەوەوە دەستی پێكردووە، ئەو مامۆستایەی لێی دراوە پێی گوتوون ئێوەی پرسیارەكانی تاقیكردنەوەی وانەكەی منتان بە منداڵی خۆتان داوە، ئەوانیش گوتوویانە پێمان نەداون، دەشڵێت: "داوایان لێ كردووم نمرەی 100 بە منداڵەكانی ئەوان بدەم و منیش پێم گوتن منداڵەكانتان شایەنی 100 نین چۆن ئەو نمرەیان پێ بدەم، بۆیە هێرشیان كردووەتە سەرم.
وەڵام بدەوه