ئومێد خۆشناو، پارێزگاری ههولێر لهبارهی هێرشكردنه سهر پارێزهرێك له ههولێر به ناوی محهمهد یابه سۆفی، ڕایگهیاند: هاووڵاتیان و كهسوكاری ئهو پارێزهره دڵنیا دهكهینهوه، دهزگاكانی ئێمه ئهوهنده بههێزن، تیرۆریستان كه زۆر به مونهزهمی كاریان دهكرد و لهدهسنتمان دهرباز نهدهبوون، ئهو كهسانهش كه ناسراون و بزر نین، دهستگیر دهكرێن و یان دهبێ خۆیان ڕادهست بكهن، گهرنا به زووترین كات دهستگیر دهكرێن و كهسیش ناتوانێ داڵدهیان بدا و ههر كهسێك ئهم تاوانانه له شارێكی وهكوو ههولێر بكا، بێگومان دهبێته ڕووداوێك، بهڵام دڵنیایی دهدهین كه به زووترین كات دهستگیر دهكرێن.
ئومێد خۆشناو وتیشی: ئهو حاڵهته نه گوزارشته له ههولێر، كه شارێكی پڕ له قیهم و ئهخلاقه، نه گوزارشته له حكوومهت، كه پڕاوپڕه له جێبهجێكردنی یاسای و بهرقهراركردنی یاسای و پارێزگاركردن له ئهمنیهتی هاووڵاتیان. بۆیه به هیچ جۆرێك ئهم كارانه قبووڵ نییه و جهنابی سهرۆكی حكوومهتیش ههمیشه جێبهجێكردن و سهروهربوونی یاسا دووپات دهكاتهوه.
وەڵام بدەوه