محهمهد كهلاری، شارهزای كهشوههوا رایگهیاند: "بەهۆی کاریگەری نزمەپاڵەپەستۆیەکی لاوازی دەریای ناوەڕاست و دەریای سوور پێشبینی دەکەم لە ڕۆژی دووشەمە تا شەوی سێشەمە شەپۆلێکی بارانبارین بەشێکی ناوچەکانی ههرێمی کوردستان دهگرێتەوه و هەورە تریشقەشی لەگەڵ دەبێت." شەپۆله بارانبارینەکه کاریگەری لەسەر گەرمیان و هەڵەبجه و سلێمانی و ئیدارەی ڕاپەڕین و کەرکوک و ئیدارەی سۆران دەبێت ، بەڕێژەی کەمتر کاریگەری لەسەر هەولێر و دهۆک و ناوچه شاخاویەکانی دەوروبەری دەبێت .
شێوازی بارانبارینەکە بەهارییە و هەورە بروسکەی لەگەڵە ، لەهەندێک شوێن بەتایبەتیش خۆرهەڵاتی هەرێم ئەگەری تەرزە و هەورە بروسکەی توند هەیە
خێرای با لە ڕۆژانی دووشەمە و سێشەمە چالاکە بەڕێژەی 28 بۆ 37 کیلۆمەتر لەسەعاتێکدا و ئەگەری خۆڵبارینی سوک هەیە بەشێوەی کاتی ، پلەکانی گەرما ڕۆژی دوشەمە چەند پلەیەک پێش گەشتنی شەپۆلەکە بەرزەبێتەوه و هەست بەگەرمادەکرێ ، لەگەڵ بارانبارین پلەکانی گەرما 5 بۆ 6 پلە نزمەبێتەوه
پێشبینی بڕی بارانبارین لە ڕۆژی دووشەمە تا سێشەمە
هەولێر 1 بۆ 2 ملم
سلێمانی 10 بۆ 15 ملم
کەرکوک 3 ملم
هەڵەبجه 8 بۆ 13 ملم
دهۆک 2 بۆ 3 ملم
سۆران 6 بۆ 10 ملم
گەرمیان 5 بۆ 20 ملم بەشی باکور بەتایبەت
ڕاپەڕین 10 بۆ 13 ملم
تێبینی : کۆتایی هەفتە قۆناغێکی نوێی بارانبارین هەیە گەر وەک ئێستا بمێنێتەوه و گۆڕانکاری ڕونەدات لەهێزی شەپۆلەکە ئەوا پێشبینی بارانی بەهێز دەکرێت لەکوردستان بەڵام ئەمەیان لەژێر چاودێرییە و چونکە بەرەوو بەهار دەچین گۆڕانکارییە ناوازەکان دەست پێدەکات .
وەڵام بدەوه