پرۆژەیەکی گەورە لە ھەولێر جێبەجێدەکرێت.

ئه‌مڕۆ چوارشه‌ممه‌ 1/3/2023، ماڵپه‌ڕی فه‌رمیی حكوومه‌تی هه‌رێمی كوردستان بڵاوی كرده‌وه‌، لە چوارچێوەی جێبەجێكردنی پڕۆژەكانی وەزارەتی شارەوانی و گەشتوگوزارپی حكوومەتی هەرێمی كوردستان، بە گوژمەی ملیارێک و 145ملیۆن و 322هەزار و 500 دینار، کارکردن لە پڕۆژەی کۆنکرێتکردن و قیرتاوكردنی كۆڵان و شەقامە ناوخۆییەکانى گەڕەکى گردجووتیار لە سنووری سەرۆكایەتیی شارەوانیی هەولێر بەردەوامە.

ئاماژه‌ی به‌وه‌ش كردووه‌، قۆناغی یەكەمی ئەو پڕۆژەیە بە گوژمەی 364 ملیۆن و 355 هەزار دینار لەسەر داهاتی شارەوانی و قۆناغی دووەمیش بە گوژمەی 380 ملیۆن و 120هەزار دینار لەسەر داهاتی شارەوانی جێبەجێ دەكرێن. هەروەها گوژمەی قۆناغی سێیەمیش بریتییە لە 400 ملیۆن و 847 هەزار و 500 دینار و بە هاوبەشی لەسەر بودجەی پارێزگەی هەولێر و داهاتی شارەوانیی هەولێر جێبەجێ دەكرێت.