دەست بە دابەشکردنی مووچەی مانگی دوو دەکرێت

كاتى دابه‌شكردنى مووچەی لیوا هاوبەشەکانی سەر بە وەزارەتی پێشمەرگە ئاشكرا كرا.

سەرچاوەیەکی ئاگادار لە وەزارەتی دارایی ڕاگەیاند: ئەمڕۆ ژمێریاریی وەزارەتی دارایی و ژمێریاریی وەزارەتی پێشمەرگە بانکەکانیان ئاگادار کردووەتەوە، ڕۆژی پێنجشەممە 2ی3ی2023، مووچەی مانگی 2ی لیوا هاوبەشەکان دابەش دەكرێت.

بەپێی زانیارییەکان، سبەی چەکی مووچە دابەش دەدرێت و دووسبەی پێنجشەممە مووچە دابەش دەكرێت.

هەر بەپێی زانیارییەكان، دابەشكردنی مووچەی لیواكان هاوشێوەی مانگی پێشوو دەبێت و مەرج نییە هەموویان لە یەك رۆژدا مووچەیان وەربگرن.

مووچەی مانگی 12ی لیوایەکان لە 9ی1ی2023 دابەشکراو مووچەی مانگی یەکیش لە1ی2 دابەشکرا.

چەند لیوایەكی پێشمەرگە بودجەیان لەلایەن وەزارەتی بەرگریی ئەمریكا دابین كراوە و مانگانە دوای ئەوەی پارەكە دەخرێتە سەر ئەژماری وەزارەتی پێشمەرگە، مووچەكانیان پێ دەدرێت.

پێشتر، جێگری سوپاسالاری پێشمەرگە، بە (باسنیوز)ی ڕاگەیاندبوو: "هەركاتێك پارەی ئەمریكییەكان بگات، 24 یان 48 كاتژمێر دواتر مووچەی لیوا هاوبەشەكانی پێشمەرگە دابەش دەكرێت و هیچ كێشەیەكی تێدا نییە".