پێشنیوەڕۆی ئەمڕۆ پارتی و یەکێتی لە هەولێر لەسەر ئاستی دەزگای هەڵبژاردن کۆدەبنەوە و پرسەکانی پەیوەست بە هەڵبژاردنی پەرلەمانی کوردستان تاوتوێ دەکەن.
تیمەکەی پارتی پێکهاتوون لە رێبوار یەڵدا، ئەندامی مەکتەبی سیاسی و بەرپرسی دەزگای هەڵبژاردنی پارتی و زانا مەلا خالید، سەرۆکی فراکسیۆنی پارتی لە پەرلەمانی کوردستان و ژمارەیەک تەکنیککار. شاندی یەکێتیش لە رزگار حەمە، ئەندامی مەکتەبی سیاسی و زیاد جەبار، سەرۆکی فراکسیۆنی یەکێتی لە پەرلەمانی کوردستان لەگەڵ ژمارەیەک تەکنیککار پێکهاتوون.
لە کۆبوونەوەکەدا ئەو دوو شاندە باسی هەمواری یاسای هەڵبژاردن لە هەرێمی کوردستان، کاراکردنەوەی کۆمیسیۆنی باڵای سەربەخۆی هەڵبژاردنەکان و رێککەوتن لەسەر پێشنیازکردنی رۆژێک بۆ بەڕێوەچوونی هەڵبژاردن دەکەن.
وەڵام بدەوه