ئەمڕۆ شەممە 11ی 2ی 2023، شاندێكی حكوومەتی هەرێمی كوردستان بە مەبەستی گفتوگۆكردن لەبارەی پرسە هەڵپەسێردراوەكانی نێوان هەولێر و بەغدا، سەردانی پایتەختی عێراق دەكات.
كەمێك لەمەوبەر، د. ئومێد سەباح، سەرۆكی دیوانی ئەنجوومەنی وەزیران لە پێگەی خۆی لە تۆڕی كۆمەڵایەتیی (فەیسبووك) بڵاوی كردەوە: "لەسەر بڕیار و راسپاردەی مەسرور بارزانی، سەرۆکی حکوومەتی هەرێمی کوردستان، ئێوارەی ئەمڕۆ شەممە بەرەو بەغدا بەڕێ دەكەوین، بە مەبەستی گفتوگۆ و رێککەوتن لەسەر پرسە هەڵپەسێردراوەکانی نێوان هەولێر و بەغدا.
جەختی لەوەش كردەوە: "ئەم سەردانەی شاندی حکوومەتی هەرێمی کوردستان لە چوارچێوەی سەردانە فەرمییەکانی حکوومەتی هەرێمە بۆ بەغدا، بە مەبەستی گەیشتن بە رێککەوتن دەربارەی یاسای نەوت و غاز و بودجە و ماف و شایستە داراییەکانی هەرێمی کوردستان و چەندین بابەتی تر.
وەڵام بدەوه