سەرۆکی دەستەی وەبەرھێنان ئاشكرای كرد، چەند پڕۆژەیەكی نیشتەجێبوون وەرگرتنی قیستی یەكەكانیان بۆ هەر 100 دۆلارێك بە 150 هەزار دینار ئەژمار دەكەن.
د. محەمەد شوکری، سەرۆکی دەستەی وەبەرھێنانی کودستان ڕاگەیاند: قیست و پارەی پڕۆژەكانی نیشتەجێبوون بە دۆلارە، دوو وەبەرهێنەریەكیان لە هەولێر و یەكێكی دیكەش لە سلێمانی بڵاویان كردووەتەوە كە بەهای 100 دۆلار بە 150 هەزار دینار وەردەگرن، ئەو بابەتەمان لەگەڵ چەند وەبەرهێنەرێكی دیكەش باس كردووە بەڵام جارێ یەكلایی نەبووەتەوە."
ئاماژەی بەوەش دا: "گرانبوونی دۆلار و داشكانی دینار كێشەیەكی زۆر زۆر گەوەرەیە و لەگەڵ چەند لایەن و بانكێك لە گفتوگۆداین بۆ چارەسەری ئەو كێشەیە بەتایبەت بۆ قەرز و قیستی پڕۆژەكانی نیشتەجێبوون."
پێشتر كە بەشێك لە هاووڵاتییان دەستیان بەدانەوەی قیستی پڕۆژەكانیان كردووە بەهای 100 دۆلار نزبكی 121 هەزار دینار بوو، بەڵام ئێستا لە سەرووی 172 هەزار دینارە.
محەمەد شوکری جەختی كردەوە چاوەڕوانی ئەوەن بەهای دۆلار بەرامبەر دینار یان جێگیر بێت یان دابەزێت، بۆ ئەوەی لەگەڵ وەبەرهێنەران لەسەر ئەو بابەتە بگەنە ئەنجامێك.
ئەمڕۆ پێنجشەممە 2ی شوبات، بۆردی پڕۆژەی فلۆریا لە هەولێر لە راگەیاندراوێكدا بڵاوی كردەوە: " کۆمپانیای ساوس کوردستان لە پڕۆژەی فلۆریا سیتی، ئۆفەرێکی تایبەت و کاتی ، بۆ کڕیاران و خاوەن یەکەکانی بەردەست دەخات و رەچاوی دۆخی ئێستای بازاڕ و بژێوی ژیان دەکات و بۆ ھەر كەسێك بیەوێت قیستەکانی بدات تاوەکو 15ی ئەم مانگە، نرخی 100 دۆلار بە 150 ھەزار دینار بۆی ئەژمار دەکرێت و پارەکەش بەدیناری عێراقی وەردەگرێت، ئەم بڕیارە ئەوانەش دەگرێتەوە کە دەیانەوێ قیستەکانی رابردوو بەیەکەوە بدەن."
وەڵام بدەوه