چۆنیەتی تۆماریکردنی ناوی شوێنی بازرگانی پیشەوەران گۆڕانکاری بەسەرداهات

لە 2023/1/8 بەدواوە چۆنیەتی تۆماری ناوی شوێنی بازرگانی پیشەوەران گۆڕاناری بەسەرداهات و هاوڵاتیان لەمەودوا دەتوانن لە بەڕێوەبەرایەتی تۆمارکردنی کۆمپانیاکان لە سنوری پارێزگاکان مامەڵەکانیان ئەنجام بدەن و ناوی شوێنەکانیان تۆمار بکەن لەبری ژورەبازرگانیەکان.
لەئەنجامی هەوڵەکانی وەزارەتی بازرگانی و حکومەتی هەرێم بۆ زیاتر کارئاسانی بەڕێکردنی مامەڵەی هاوڵاتیان و لەپێناو بەرژەوەندی گشتی بەپێی ڕێنمایی و یاسابەرکارەکان،
پاڵپشت بە یاسای ژمارە(14)ی ساڵی 2021 ی  هەموارکراوی یەکەمی یاسای وەزارەتی بازرگانی و پیشەسازی ژمارە(10)ی ساڵی 2010 
دەستکرا بەپێدانی ناوی بازرگانی پیشەوەران، کەوا هاوڵاتی بەئاسانترین ڕێگە و کەمترین تێچوو مامەڵەیان بۆدەکرێت.
جێی ئاماژەیە لەئێستادا سەرجەم داتاو بەڵگەنامەپێویستەکان لەژورەبازرگانیەکانەوە گواستراوەتەوە بۆ بەڕێوبەرایەتی تۆمارکردنی کۆمپانیاکان.
لەم دوڕۆژەدا بەسەدان ناوی بازرگانی تۆمارکراون و مامەڵەکان بەڕێکراون.