باران بەڕێوەیە

ئاراس جەبار ئەحمەد، شارەزای کەشناسی پێشبینییەکی بڵاو کردووەتەوە و تێیدا هاتووە:
ئەمڕۆ کاریگەری سەرەتایی ئەو نزمەپاڵەپەستۆیە لەسەر ناوچەکانمان دەستیپێکرد کە لەهەندێ شوێندا یەکەم بارانی ئەمساڵ باری لەگەڵ دروستبوونی هەورە بروسکە و چالاکبوونی بای باشور ، بۆ سبەی یەکشەمە 30/8 کاریگەری بارستە هەوا ساردەکەی دەریای ناوەراست نزیکتر ئەبێتەوە لەگەڵ هاتنی شێی زیاتر لە باکوری سعودیەوە بۆیە سبەینێ لەکاتەکانی بەیانیەوە تا ئێوارە ئەگەر و دەرفەتی بارانبارین و دروستبوونی هەورە بروسکە بۆ ناوچەی زیاتر کراوە ئەبێت هەر لە سنوری پارێزگای دهۆک و سەنتەری پارێزگای هەولێر و وە ناوچەکانی سنوری پارێزگای هەڵەبجە و سلێمانی و ئیدارەی راپەرین و سۆران کە لەوانەیە لەهەندێ شوێنیشدا تاوە بارانی بەخوڕ ببارێت بەڵام بەگشتی بۆ زۆربەی ناوچەکان بارانێکی کەم ئەبارێت وە بەهۆی هەورە بروسکەوە ئەگەری کەوتنەوەی ئاگر لە ناوچە شاخاویەکان ئەبێت ، هەروەها چالاکتربوونی بای باشور و وە دابەزینی بای بەهێز لە پێشەوەی ئەو هەورانەی بارانیان لێئەبارێت وەک ئەوەی ئەمڕۆ لەشاری سلێمانی و چەند شوێنێکی دیکە بینرا ، پلەکانی گەرماش بەڕاورد بە ئەمڕۆ 2 بۆ 3 پلە نزمدەبنەوە .
بۆ دوو سبەی رۆژی دووشەمە 31/8/2026 کەش و هەوا جێگیر ئەبێت و بارستە هەوا ساردەکەی دەریای ناوەراست بەتەواوی دەگاتە ناوچەکانمان بارستە هەوا گەرم و شێدارەکەی باشور لەسەر ناوچەکانمان دوور دەخاتەوە و لەئەنجامدا پلەکانی گەرما بەرێژەیەکی بەرچاو 4 تا 6 پلە زیاتر بەڕاورد بە سبەی نزمدەبنەوە و کەش و هەوا فێنک ئەبێت .. والله اعلم