نرخی زێڕ لە بازاڕەکانی جیهاندا دابەزی

کورتەی هەواڵ

لە مامەڵەکانی ئامڕۆ هەینیدا، نرخی زێڕ و کانزا گرانبەهاکانی تر لە بازاڕە جیهانییەکاندا دابەزینیان بەخۆوە بینی. ئەم گۆڕانکارییە لە کاتێکدایە کە وەبەرهێنەران بە توندی چاوەڕێی لێدوانەکانی سەرۆکی بانکی ناوەندیی ئەمەریکان لە کۆنفرانسی جاکسن هۆڵ، دوای ئەوەی لە سەرەتای هەفتەدا نرخی زێڕ بەرزترین ئاستی تۆمار کردبوو.

وردەکاریی نرخەکان

زێڕ لە مامەڵە خێراکاندا: بەڕێژەی 0.5% دابەزی و نرخی هەر ئۆنسەیەک گەیشتە 4,576.30 دۆلار. ئەمەش دوای ئەوە دێت لە سەرەتای هەفتەدا بەهۆی ڕێکارەکانی وەزارەتی گەنجینەی ئەمەریکا بۆ پشتگیریکردنی قەواڵە دارایییە درێژخایەنەکان، گەیشتبووە بەرزترین ئاستی زیاتر لە سێ مانگی ڕابردووی.

گرێبەستە ئایندەیییەکان: نرخی گرێبەستە ئایندەیییەکانی زێڕ بەڕێژەی 0.8% dابەزینی بەخۆوە بینی و گەیشتە 4,629 دۆلار.

سیاسەتی نەختینەیی و ئەگەرەکانی ڕێژەی سوود

مات سیمپسۆن، شرۆڤەکاری دیار لە دامەزراوەی ستۆن ئێکس دووپاتی دەکاتەوە، ئەو هۆکارانەی پاڵ بە کێڤن وۆرش سەرۆکی بانکی ناوەندیی ئەمەریکاوە دەنێن بۆ گرتنەبەری سیاسەتێکی توندی نەختینەیی، بەهێزترن لەو هۆکارانەی ڕێگری لێ دەکەن.

بەپێی ئامارەکانی ئامرازی "فید وۆچ"، پێشبینییەکانی مامەڵەکاران بۆ دیاریکردنی ڕێژەی سوود بەم شێوەیەیە:

مانگی ئەیلوول: بە ئەگەری 33.9% بانکی ناوەندی ڕێژەی سوود بەرز دەکاتەوە.

مانگی کانوونی یەکەم: ئەگەری بەرزکردنەوەی ڕێژەی سوود دەگاتە 74%.

سەرەڕای ئەوەی زێڕ وەک پەناگەیەکی ئارام بۆ پاراستنی سەرمایە لە کاتی هەڵاوساندا سەیر دەکرێت، بەڵام بەهۆی ئەوەی هیچ قازانجێکی زیادە (سوود) نادات بە وەبەرهێنەران، لە کاتی بەرزبوونەوەی ڕێژەی سووددا بەهایەکەی ڕوو لە دابەزین دەکات.

سەرچاوە: دامەزراوەی ستۆن ئێکس / ئامارەکانی فید وۆچ

#Kurdistanpress