ئێران قسەی کۆتایی کرد

پزیشکیان: ئەمریکیەکان نەوتی عێراق دەفرۆشن و پارەی نەوتەکەشیان پێنادەن
ستەملەکەس ناکەین و ستەمیش قبوڵ ناکەین
مەسعود پزیشکیان، سەرۆک کۆماری ئێران لەمیانەی دیدارێکی تەلەفیزنۆنیدا ڕایگەیاند هێرشەکانی ئێمە بۆسەر وڵاتانی ئیسلامی ناوچەکە، تەنها هێرش بوە بۆسەر بنکەکانی ئەمریکا.
پزیشکیان گوتی: ئەمریکا لە کوێوە هێرشی کردە سەر قوتابخانەی میناب؟ لە هەمان ئەو وڵاتە ئیسلامیانەی کە بەهاوڕێی خۆمانیان دەزانین.
باشە بۆچی ڕێگا دەدەن بێن و هێرشمان بکەنەسەر؟ بەڵام ئێمە نامانەوێت هێرش بکەینە سەر ئەوان؛ تەنها وەڵامی ئەو کەسانە دەدەینەوە کە هێرشمان دەکەن.
پزیشکیان گوتیشی: بۆچی ئەمریکا دێتە ئەم ناوچەیە، بنکەی سەربازی دادەمەزرێنێت. ئەمریکا هەر وڵاتێکی ئیسلامی ئەگەر گوێڕایەڵی نەبێت، هێرشی دەکاتەسەر. کێ وتویەتی دەبێت ببینە کۆیلەی گوێڕایەڵی ئەوان، بۆچی؟ ئێمە هیچ کات نامانەوێ ستەم لەکەس بکەین، بەڵام هەروەها ڕێگا نادەین کەسیش ستەم لە ئێمە بکات. نابێت بە هەڕەشە و فشاری سیاسی و ئابووری بمانچەوسێننەوە.
پزیشکیان لەدرێژەی قسەکانیدا گوتیشی: نابێت بێنە وڵاتەکەمان و سەرچاوەکانی ئێمەش تاڵان بکەن. ئێستا لە عێراق، نەوت دەفرۆشن بەڵام پارەی نەوتەکەشیان پێ نادەن. ئێمە ڕێگا بەوە نادەین.