وەزارەتی شارەوانی و گەشتوگوزاری حکومەتی هەرێمی کوردستان، وردەکاریی تێچووی تاپۆکردن و بەناوکردنی ئەو زەوییانەی ڕاگەیاند کە بەسەر فەرمانبەران و هێزە ئەمنییەکاندا دابەش دەکرێن. بەپێی زانیارییەکان، بڕی تێچووەکە لە نێوان سەنتەری شار، قەزا و ناحیەکاندا جیاوازە و لە کاتی وەرگرتنی سەنەدی زەوییەکاندا وەردەگیرێت، نەک لە ئێستاوە.
بڕی تێچووی تاپۆکردنی زەوییەکان (بۆ هەر پارچە زەوییەکی ٢٠٠ مەتری):
سەنتەری شارەکان: بۆ هەر مەترێک ٥,٠٠٠ دینار (کۆیی گشتی: ١ ملیۆن دینار)
قەزاکان: بۆ هەر مەترێک ٣,٠٠٠ دینار (کۆیی گشتی: ٦٠٠ هەزار دینار)
ناحیەکان: بۆ هەر مەترێک ٢,٠٠٠ دینار (کۆیی گشتی: ٤٠٠ هەزار دینار)
تێبینی گرنگ: پڕۆسەی تاپۆکردنی زەوییەکان لە کۆتایی مانگی پێنج و سەرەتای مانگی شەشەوە بە چەند قۆناغێک لە شار و شارۆچکەکان دەستی پێکردووە. ئەم بڕیارەش ئەو فەرمانبەر و پێشمەرگانە دەگرێتەوە کە سەرووی ٨ ساڵ خزمەتیان هەیە، کە ژمارەیان زیاتر لە ٢١١,٠٠٠ فەرمانبەرە.
#Kurdistanpress
وەڵام بدەوه