بەغدا 90 ملیار دیناری ئەو مووچەخۆرانەى نەناردووە

وەزارەتی دارایی حکومەتی فیدراڵ شایستەی مووچەی مانگەکانی ڕابردووی ئەو خانەنشینە شارستانی و سەربازییانەی نەناردووە کە تازە خانەنشین بوون، بەو هۆیەشەوە بڕێکی زۆر لە شایستە داراییەکانیان لای بەغدا ماوەتەوە.
زانیارییە گرنگەکان:
کێشەکە چییە؟ ئەو فەرمانبەرانەی لە ساڵی 2025 یان سەرەتای ئەمساڵ خانەنشین بوون، دەبوو لەگەڵ یەکەم مووچەی خانەنشینییان، مووچەی ئەو مانگانەشیان بۆ خەرج بکرێت کە لە کاتی ڕاییکردنی مامەڵەکانیان فەوتاوە، بەڵام بەغدا تەنیا مووچەی یەک مانگی بۆ ناردوون.
بڕی پارە بڕدراوەکە: لە چوار مانگی سەرەتای ئەمساڵدا، بەغدا نزیکەی 90 ملیار دیناری شایستەی خانەنشینانی بڕیوە، کە بەم شێوەیەیە:
مانگی یەک: 36 ملیار دینار.
مانگی دوو: 16 ملیار دینار.
مانگی سێ: 21 ملیار دینار.
مانگی چوار: 16 ملیار و 625 ملیۆن دینار.
هەڵوێستی وەزارەتی دارایی هەرێم:
بۆ پڕکردنەوەی ئەم بۆشاییە، وەزارەتی دارایی و ئابووری هەرێمی کوردستان مانگانە لەگەڵ مووچە نێردراوەکەی بەغدا، مووچەیەکی دیکە (مانگی فەوتاو) لەسەر داهاتی ناوخۆ بۆ ئەو خانەنشینانە دابین دەکات تا مافەکانیان نەفەوتێت.
چارەنووسی پارە بڕدراوەکە:
هەرچەندە پێشبینی دەکرێت ئەم لێبڕینە لەلایەن بەغداوە بۆ مانگەکانی داهاتووش بەردەوام بێت، بەڵام وەزارەتی دارایی عێراق بەڵێنی داوە دوای پەسەندکردنی بودجەی گشتیی ساڵی 2026، تەواوی ئەو شایستە داراییانەی خانەنشینانی هەرێم ڕەوانە بکات.
#kurdistanpress