کەشناسی هۆشداری بەپەلە دەدات

هۆشداری لە كەشوهەوای ئەمشەوی هەرێمی كوردستان دەدرێت و لە هەولێریش ئامادەكاری بۆ رووبەڕووبوونەوەی هەر حاڵەتێكی كۆبوونەوەی ئاو كراوە، هاوكات شارەوانی چەندان ژمارە تەلەفۆنی راگەیاند بۆ حاڵەتی فریاگوزاری. 
هەڤاڵ سەدیق گەڵۆزی شارەزای بواری كەشناسی رای گەیاند، ئێستە كاریگەری هەردوو نزمە پاڵەستۆی دەریای سوور و دەریای ناوەڕاست لە سەرجەم ناوچەكانی هەرێمی كوردستان و عێراق بەدیاركەوتووە و بارانبارین لە بەشێكی زۆری ناوچەكانی ناوەڕاست و باشووری عێراق دەستی پێ كردووە.
روونیشی كردووەتەوە كە هەوری مامناوەندی باراناوی گەیشتووەتە زۆربەی ناوچەكانی هەرێمی كوردستان لە ئێوارەی ئەمڕۆ بارانبارین ناوچەكانی هەرێمیش دەگرێتەوە و لە سەرەتادا بە نمەباران دەستپێدەكات و لە دوای سەعات هەشت بەدواوە بۆ درەنگانی ئەمشەو دەگۆڕێت بۆ بارانی بەلێزمە.
لەلایەكی ترەوە بەڕێوەبەرایەتی ئاوەڕۆی هەولێر ئاگەدارییەك ئاراستەی هاوشارییان دەكات، ئەمەش بەهۆی پێشبینیی بارانبارینی بەردەوام، لە هەر حاڵەتێكی كتوپڕ، پێوەندی بەم هێڵە گەرمانەوە بكەن بەپێی سنووری شارەوانییەكان:
شارەوانی 1 و 2: 07515203456
شارەوانی 3: 07504524496
شارەوانی 4: 07504466857
شارەوانی 5: 07504510146
شارەوانی 6: 07503869696
دارەتوو و بنەسڵاوە: 07504624478