ئەنتۆنیۆ تایانی وەزیری دەرەوەی ئیتاڵیا سەركۆنەی هێرشەكان بۆ سەر هەولێر دەكات و دووپاتیشی دەكاتەوە سەربازەكانیان لە هەولێر سەلامەتن.
ئەمڕۆ پێنجشەم 12ی ئادار، ئەنتۆنیۆ تایانی وەزیری دەرەوەی ئیتاڵیا لە پەیامێكدا كە لە ئێكس بڵاوی كردووەتەوە، باس لەوە دەكات یەكێك لە هێرشە درۆنییەكان بۆ سەر بنكەیەكی ئیتاڵی بووە لە هەولێر، بەڵام هیچ زیانێكی نەبووە.
لە پەیامەكەدا هاتووە، "بە توندی سەركۆنەی ئەو هێرشە دەكەم كە كرایە سەر بنكەیەكی ئیتاڵی لە هەولێر، قسەم لەگەڵ باڵوێزی ئیتاڵیا لە عێراق كردووە، لە بەختی باشمان هەموو سەربازەكان سەلامەتن".
لە ماوەی 13 رۆژی رابردوودا میلیشیاكانی عێراق و ئێران بەردەوام بە درۆن و مووشەك هێرش دەكەنە سەر هەرێمی كوردستان.
ئیتاڵیا یەكێكە لەو وڵاتانەی تا ئێستە هیچ پشتییوانی و لایەنگری بۆ ئیسرائیل و ئەمەریكا دەرنەبڕیوە لە دژی ئێران.
وەڵام بدەوه