ژمارەی فەرمانبەران و خانەنشینانی تۆماركراو لە هەژماری من لە زیادبووندایە، ئەم مانگە 700 هەزار فەرمانبەر لە هەژماری من مووچە وەردەگرن و ژمارەی تۆماركراوانیش گەیشتە سەرووی یەك ملیۆن.
ئەمڕۆ چوارشەم 11ـی شوبات، سەرچاوەیەكی لە هەژماری من راگەیاند، ئەم مانگە 700 هەزار مووچەخۆر لە رێگەی هەژماری من لە ئامێرەكانی ATM مووچەكانیان وەردەگرن.
زیاتر گوتی، مانگی رابردوو نزیكەی 630 هەزار مووچەخۆری مەدەنی، خانەنشین و خێزانی شەهیدان مووچەیان بەشێوەی دیجیتاڵی لە ڕێگەی پڕۆژەی هەژماری من وەرگرت، ئەم مانگە 70 هەزار مووچەخۆر زیادی كردووە.
باسی لەوەش كرد، ژمارەی فەرمانبەران و مووچەخۆرانی تۆماركراو لە هەژماری من گەیشتووەتە سەرووی یەك ملیۆن، زیاتر لە 500 ئامێری ڕاكێشانی پارە (ATM) لە سەرانسەری هەرێمی كوردستان جێگیر كراون بۆ ئەوەی هاووڵاتییان بەشێوەیەكی 24 سەعاتی بتوانن پارە ڕابكێشن.
پڕۆژەی هەژماری من كە دەستپێشخەرییەكی حكوومەتی هەرێمی كوردستانە بۆ بە بانكیكردنی مووچەی مووچەخۆران، لە ساڵی 2023 لەلایەن مەسروور بارزانی سەرۆكی حكوومەتی هەرێمی كوردستان ڕاگەیەنرا، وەك بەشێك لە كارنامەی كابینەی نۆی حكوومەت بۆ بە مۆدێرنكردنی خزمەتگوزارییە بانكییەكان و بەهێزكردنی گشتگیری دارایی لە سەرانسەری هەرێمی كوردستان.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه